Kvardagsrehabilitering

Dei aller fleste ynskjer å bu heime og vera mest mogleg sjølvhjelpne. Kvardagsrehabilitering startar difor med spørsmålet: "Kva er viktige aktivitetar i livet ditt no?»

Kvardagsrehabilitering er eit tilbod til deg som treng rehabilitering og førebygging, der målsettinga er auka livskvalitet og eigenmestring i eigen heim.

Kvardagsrehabilitering er ei intensiv og tidsavgrensa teneste. Fokuset er trening i daglege gjeremål i heimen. Eit tverrfagleg team som består av fysioterapeut, ergoterapeut og sjukepleiar gjer ei systematisk kartlegging, og det blir i samarbeid med deg utarbeida mål som du synest er viktig å meistre i din kvardag.

Teamet samarbeider med heimetrenarar i heimetenesta, og vil i lag med deg arbeida for å nå måla.

Kvardagsrehabilitering er for deg som

• ynskjer å vera aktiv og bu heime
• er motivert til å klara deg sjølv
• opplever ein reduksjon i funksjonsnivå, eller har risiko for å miste funksjon
• ynskjer å ta opp igjen aktivitetar som du tidlegare har vore sjølvstendig i, men du nå må ha hjelp til
• søkjer helse- og omsorgstenester for fyrste gong, eller søkjer om meir teneste
• opplever utfordringar i kvardagen etter sjukdom/skade

Kvardagsrehabilitering er ikkje for deg som

• ikkje er motivert for eigen trening
• ikkje klarar å samarbeida om eit treningsopplegg grunna kognitiv svikt

Når du har fått kvardagsrehabilitering kan du og dine pårørande forventa

• at me kjem heim til deg og rettleiar og støttar deg i det som du synest er viktig å meistre i kvardagen
• at me jobbar intensivt saman med deg i ei avtalt periode
• at me evaluerer framgang og justerer mål undervegs saman med deg

Når du har fått kvardagsrehabilitering forventar me av deg og dine pårørande

• at du er motivert til å gjera ein innsats for å nå dei måla du har sett, slik at du i størst mogleg grad kan vere aktiv i eige liv - i eigen heim
• at du etter avslutta rehabiliteringsperiode vil gjera det du kan for å oppretthalda aktivitets- og funksjonsnivået du har oppnådd

Økonomi

Tenesta er gratis.

Aktuelt regelverk

• Helse- og omsorgstjenesteloven §§ 3-1 og 3-2
• Forskrift om hab- og rehabilitering, individuell plan og koordinator § 4

Skjema

Søknad om helse- og omsorgstenester