Praktisk bistand - heimehjelp

Praktisk bistand er eit tilbod til deg som treng hjelp til reingjering og andre grunnleggjande praktiske oppgåver. Målet er at du skal vere i stand til å bu heime lengst mogleg. Ved behov vil ein prioritera den som har betydeleg helsesvikt, og/eller er avhengig av omfattande hjelp i heimen for å førebyggja innlegging i institusjon.

Praktisk bistand er for deg som

• ikkje klarer å stella heimen din sjølv og treng hjelp til reingjering av rom i bustaden som er i dagleg bruk
• har eit særleg behov for hjelp på grunn av sjukdom, funksjonshemming, eller av andre årsaker
• har bruk for bistand for å vera sjølvhjelpen i eigen heim
• har behov for hjelp til å bestille matvarer, fordi du ikkje har pårørande eller andre som kan hjelpe med dette
• treng hjelp til vask av tøy
• ved kortvarig sjukdom hos føresett med behov for hjelp til å oppretthalde omsorgsevne for barn med  langvarige, samansette helse- og omsorgstenester

Praktisk bistand er ikkje for deg som

• er i stand til å dra nytte av tenesta som blir tilbydd av andre/private
• bur med andre som kan utføra arbeidet, eller som kan lære å gjera det

Før varig teneste blir tildelt skal tenesta prøva ut eller vurdera

• tilrettelegging av bustad
• kvardagsrehabilitering/opplæring
• tekniske hjelpemidlar som til dømes robotstøvsuger

Praktisk bistand kan omfatta

• reingjering av rom som er i dagleg bruk av søkjar (stova, kjøkken, soverom, bad, gang)
• enkel oppvask og hjelp til å ta ut vanleg hushalds søppel
• sengeklede skiftes normalt kvar 2. veke
• klede kan vaskast etter behov i vaskemaskin
• søkjar som har behov for matvareinnkjøp kan få hjelp til bestilling
• vask av vindauge i rom som er i dagleg bruk, inntil 2 gangar per år (føresett at ein kan vaska vindauga frå golv, dette går av ordinær tid)

Praktisk bistand omfattar ikkje

• tillaging av middag
• stryking, bakst, pussing av sølvtøy og messing
• stor reingjering av tak og vegger, boning av golv, innvendig vask av skap, ta ut store og tunge teppe og liknande
• reingjering av rom som ikkje er i dagleg bruk av søkjar
• reingjering av trapper/gang/andre fellesareal i burettslag/private bustadar
• kjeller og loftsrydding/vasking
• oppgåver i forbindelse med gjester og vaksne heimebuande born. Lage i stand til selskap. Rydde og vaske opp etter besøkjande
• vask av altan/terrasse
• hagearbeid
• hjelp til husdyrhald
• hjelp til flytting
• generelt barnepass
• snømoking/strøing
• pynte til og rydde etter høgtider

Praktisk bistand omfattar normalt heller ikkje

• støvtørking
• bera inn ved og fyra i vedomn

Når du har fått praktisk bistand kan du og dine pårørande forventa

• at du får eit vedtak som konkret forklarer kva hjelpa skal bestå av
• at du får eit fast tidspunkt for den tildelte hjelpa – dette kan endrast etter avtale
• at du får beskjed før kl. 09.00 dersom det blir endring i forhold til avtalt tidspunkt for hjelp

Når du har fått praktisk bistand forventar me av deg og dine pårørande

• at du sjølv utfører dei oppgåvene som du kan klara
• at du har naudsynt funksjonelt utstyr tilgjengeleg som støvsugar, mopp, filler, vaskemiddel
• at du/de gir tilbakemelding til avdelingsleiar dersom du ikkje er nøgd med tenesta
• at du er til stades når tenesta blir utført. Dersom du ikkje er heime utgår hjelpa. 
• at du avbestiller seinast dagen før innan kl. 15.00
• at du betalar for hjelp som ikkje er avbestilt i tide

Økonomi

Sjå kommunens taksthefte. Du vil få eige betalingsvedtak.

Aktuelt regelverk

• Helse- og omsorgstjenesteloven § 3-2 første ledd nr. 6 bokstav b
• Pasient-og brukerrettighetsloven § 2-1 a.
• Forskrift om egenandel for kommunale helse- og omsorgstjenester
• Rundskriv 4 2021-Om husmorvikarliknande tenester for pårørande med barn med store omsorgsbehov