Etnefjella
Merka løypenett m/ turisthytter frå Seljestad til Olalia. Fiskevatn, jaktterreng, skiløyper, kulturminne, Langfoss m.m. Mange oppganger frå E-134. Veg til fjells på Skarstøl og Rus. Anleggsvegar fine for sykling. WC på Røde Kors-hytta/Skarstøl. Turistløyper og -hytter vert dreve av Haugesund Turistforening. Meir info på DNT-sidene om Etnefjella (om området, hytter, kart m.m.)
Skåneviksfjella
Fjellområdet mellom Etne og Skånevik. Varierande merking til ulike toppar frå Børkjenesnuten i vest til Dalanuten i aust. Fine turar frå Skånevik til Valdra/Prestafjellet og til Miljasæter, Leknesnibbane, og Veten eller Stødlehetta via postvegen.
Nordsida av Åkrafjorden
Fjellområdet mellom kommunegrensa til Kvinnherad i vest og Odda i aust. Oppgang t.d. frå Eikemo, Mosnes og E-134 frå Rullestad til Berstø. Til dels krevjande område, villmarksprega og ulendt. Turisthytte ved Sauavatn ved Folgefonna, umerka stiar opp. Folgefonna ved Svelgen er enklast å nå frå Blådalen i Kvinnherad.
Olav Vik-Stiftelsen sitt området på Osnes, inkl. badeplassen i Honsvikjo. Natursti herifrå til Borgåsen bygdeborg (rasteplass halvvegs, bratt stigning siste biten).
Taraldsøy på Skånevikstranda. Godt tilrettelagt turmål for båtfarande.
Fiske-/rasteplassar ved Stordalsvatnet. Små og store tilrettelagte plassar på Lurasund, Øvstebøhammaren (v/ E-134) og Lunda.
Bøkeskogen på Milja i Skånevik. 100 år gamal skog med tilrettelagt natursti.
Postvegen i Rullestad. Restaurert, gamal ferdaveg i fosselandskap mellom Rullestad og Skromme. Avstikkar til særmerkte jettegryter i fjellsida over elva.
- Honsvikjo på Osnes ved Etne
- Peparholmen i Skånevik sentrum
- Havn og Hagavik ved Leknestangen i Skånevik
- Sandvik på Skånevikstranda
- Sandvik ved Åkrafjordtunet på Teigland
- Øvstebøhammaren i Stordalen
Friluftsrådet Vest
Det regionale friluftsrådet forvaltar fleire av friluftslivsområda i Etne. Områda er ei blanding av statleg sikra og privateigde naturperler, med ulik storleik, funksjon og tilrettelegging.
I Etne kommune forvaltar Friluftsrådet Vest følgjande friluftslivsområde:
Turforslag
Der ligg mange fine turforslag i Etne kommune på UT.no.