Planområdet er om lag 54,5 daa, og ligg nordaust for Skånevik sentrum. Området ligg på vestsida av Skånevikvegen, i skråninga mellom vegen og sjøarealet i vest. Planområdet er avgrensa med bakgrunn i tiltakshavar sin eigedom, samt behov for infrastruktur og heilskap i området.
Delar av reguleringsplanane «R-32DEL3, Skånevik, del 3: Vedladalen-Oppheim» og «Detaljregulering for FV48 Skånevik – Flesjo, Plan-ID 201604» vil verta oppheva som del av planarbeidet, jf. pbl § 12-14.
Føremålet med detaljreguleringa er å legge til rette for etablering av fritidsbustadar og utleigeeiningar, vidareføring av faste campingeiningar og småbåtanlegg samt ny bruk av eksisterande bygg innanfor området. I tillegg vil det leggast til rette for glamping og eit meir tilgjengeleg friluftsområde for ålmenta på Revaholmen.
Konsekvensutgreiing
Planen skal utarbeidast som detaljreguleringsplan jf. § 12-3 i plan- og bygningslova. Det er gjort ei vurdering av behovet for konsekvensutgreiing, og Etne kommune har vurdert at planen ikkje er omfatta av forskrift om konsekvensutgreiing. Vurderinga er basert på at planframlegget ikkje fell inn under forskrifta §§ 6, 7 eller 8. Planframlegget er i hovudsak i samsvar med overordna plan, og endringa frå bustadføremål til fritidsbustad er vurdert til å ikkje vere ei vesentleg endring, då området allereie er avsett til utbyggingsføremål i overordna plan. Tiltaka innanfor området er småskala tiltak, og kommunen har vurdert at desse ikkje vil medføre vesentlege verknader for miljø og samfunn.
Merknader
Moglege merknader og synspunkt til planarbeidet skal sendast skriftleg til:
Nordplan Stord AS, Postboks 32, 5401 Stord
Eller e-post: poststord@nordplan.no / mrh@nordplan.no innan høyringsfristen: 01.11.2026
Filer:
Planavgrensing_280426.pdf (PDF, 703 kB)
Planinitiativ 06.05.2026.pdf (PDF, 2 MB)
Oppstartmøte referat .pdf (PDF, 562 kB)
Oversiktskart.pdf (PDF, 187 kB)
Følgjebrev til Varsel om oppstart.pdf (PDF, 262 kB)