Høyring av endring etter forenkla prosess for Ivelandstomta i Etnesjøen

Kommunestyret vedtok i juni i år å lyse ut ein prosjektkonkurranse for eigedomane gnr./bnr. 10/22 og 10/38 i Etne sentrum (sak 063/24), som er i kommunalt eige. No er bygningane rivningsklare, og Etne kommune ynskjer å lyse ut ein konkurranse der eigedomane vert tildelt den som leverer beste totalløysing for utvikling av området.

Det går fram av kommunestyresaka at gjennomføring av prosjektet krev ei mindre endring av gjeldande plan for dei to eigedomane. Trong for endringar er isolert til føresegnene, og går fram av vedlagt planomtale og forslag til føresegner.

I tråd med plan- og bygningslova §12-14 tredje ledd vert forslag til endring kunngjort hjå berørt mynde, samt eigarar og festarar som vert direkte berørt av endringa. Samtidig skal også andre berørte ha anledning til å uttale seg før ein treff vedtak. Forslaget vert i tillegg til oversending til berørte, lagt ut på nettsidene til kommunen.
Frist for å sende merknader vert sett 3 veker fram i tid, måndag 11. november. Merknader kan sendast til post@etne.kommune.no eller med post til Etne Tinghus, Sjoarvegen 2, 5590 Etne.

R-43_02 Planomtale Endring av reguleringsplan 191024 (PDF, 3 MB)

R-43_02 Føresegner 17.06.02 rev.19.10.24 (PDF, 138 kB)

Forslag til endring skal etter at fristen er ute leggjast fram for hovudutvalet (planutvalet i Etne kommune), som har delegert fullmakt til endeleg godkjenning av endringar etter forenkla prosess. Eit eventuelt vedtak vert kunngjort i lokalavisa Grannar saman med informasjon om klagefrist.