Det vil bli sett opp julegåvetre på Etne senter, Ølen senter og Ølen torg i desember. Her kan innbyggarar i Etne og Vindafjord som har det trongt økonomisk kome med julegåveynskjer til barn og unge.
Har du det tøft økonomisk? Gruer du deg til jul på grunn av alle utgiftene?
Dersom din familie vil kome med julegåveynskjer kan du sende SMS eller ringe til 90963427/41287722. Vi treng namn, kjønn, alder og gåveynskje. Har du ein rettleiar/kontaktperson i Vindafjord kommune eller Etne kommune kan du òg overbringe ynskjene til vedkomande.
Frist for levering av ynskjer er 22.11.2024.
Kommunane vil formidla ynskja vidare anonymt til arrangøren. Tilsette i kommunane har teieplikt og vil ikkje dele namna vidare. Ynskja vil bli hengt opp på eit hjarte på treet med alder og kjønn. Folk som ynskjer å bidra med gåver kan velje eit hjarte og kjøpe inn gåva. Gåvene blir samla inn ved Princess på Etne senter, Ølen blomster på Ølen senter og Handelshuset på Ølen Torg. Kommunane vil hjelpa til med å dela ut gåvene før jul.
