Lokal forskrift om gebyr for sakshandsaming og tilsyn av avløpsanlegg på høyring og til offentleg ettersyn

Kommunen er forureiningsmyndigheit og har ansvar for tilsyn med private avløpsanlegg. Etne kommune har no starta arbeidet med å utarbeide ei lokal gebyrforskrift. 

AdobeStock_440928728

Den nye forskrifta gir heimel til å krevje inn gebyr for sakshandsaming, kontroll og tilsyn av private avløpsanlegg. Bakgrunnen for dette er ønsket om å legge til rette for ei stilling som skal finansierast gjennom sjølvkostprinsippet.

Formannskapet har i sak 004/25 i møte 04.02.2025 vedtatt at framlegg til lokal forskrift skal leggast ut til offentleg ettersyn etter forurensingsforskriften §11-4.

Les saksdokumentet her: Høyring - Lokal forskrift om gebyr for sakshandsaming og tilsyn av avløpsanlegg

Les utkast til forskrift her: Utkast til forskrift om gebyr for sakshandsaming og tilsyn av avløpsanlegg, Etne kommune

Eventuelle merknadar til gebyrforskrifta kan merkast «25/288», og skal sendast som e-post til post@etne.kommune.no eller med post til Etne Tinghus, Sjoarvegen 2, 5590 Etne.

Frist for innspel og merknadar er sett til 27.03.2025.