SMIL - Tilskott til spesielle miljøtiltak i jordbruket 2025

Statsforvaltaren i Vestland har løyvd ein samla pott på 550 000 kroner til Etne kommune til ordninga SMIL – Tilskott til spesielle miljøtiltak i jordbruket i 2025. 

Retningsliner for søknad om SMIL-midlar for perioden 22.03.22 til 22.03.26:

  • Søknadsfrist for ordninga er i dag 1. mai.
  • Svært viktige tiltak med mange faktorar som talar for ei høg prioritering kan ved særlege grunnar få løyvd midlar før søknadsfristen går ut.
  • Søknadar som ikkje fell innanfor retningslinene for tilskotsordninga eller av andre relevante grunnar blir lågt prioritert vil kunne få avslag.
  • Store prosjekt må vurderast delt inn i mindre einingar og/eller spes ut over fleire år.
  • Alle søknadar må godkjennast før gjennomføring av tiltak. Løyving av midlar til allereie gjennomførte tiltak blir ikkje blir prioritert.
  • Kommunen kan setje vilkår for utbetaling av tilskot til kvart einskild tiltak. Vilkåret må stå i forhold til føremålet med tiltaket.
  • Normalt blir det gitt inntil 3 års arbeidsfrist for SMIL-prosjekt, med høve til å forlenge til 5 år.
  • I prosjekt som ikkje vert gjennomført innan fristen, har kommunen høve til å trekkje attende løyvinga og omdisponere til andre prosjekt i kommunen.
  • Søknaden skal leggjast inn i Agros via Altinn: Altinn - Tilskudd til spesielle miljøtiltak i jordbruket (SMIL)
  • Ut i frå sakstype kan kommunen stille krav om tilleggsdokumentasjon.
  • Søkjar har klagefrist på 3 veker etter å ha mottatt svar på søknaden. Klageinstans er Statsforvaltaren og klagen skal sendast om kommunen.
SMIL - tilskott
TILTAK EINGONGSKOSTNAD MAKS % TILSKOTT av godkjent kostnadsoverslag MERKNAD
Beiterydding Inntil 1500 kr./dekar 70 Må ha preg av driftsforma tidlegare kulturmark/beite
Gjerde ved beite/kulturmark Inntil 60 kr./meter 50 Blir løyvd til gode miljøtiltak som fremjar natur- og kulturminneverdiane i jordbrukets kulturlandskap
Steingard 70
Tilgjenge og oppleving 70
Ivareta kulturminne og kulturmiljø 70
Leplanting, styvingstre og andre miljøtiltak 70
Verneverdige bygg 35 Utvendig restaurering. Ikkje bustadhus.
Planlegging og tilrettelegging 50
Biologisk mangfald 70
Handtering av vatn og gjødsel 70 Til tiltak utanom vanleg jordbruksdrift for å redusere erosjon og tap av jord og næringsstoff.